Жетісу еліміздегі қант өндіретін орталықтардың бірі болуға дайын. Өңірде шығарылатын тәтті құм көлемін жылына 180 мың тоннаға дейін жеткізуді өңір билігі 2025 жылға қарай жоспарлап отыр, деп хабарлайды Хабар 24.
Алайда қазір тұрғындар қанттың бағасы әлі де жоғары дейді:
— Бірінші кезекте ауыл шаруашылығы дамуы тиіс. Біз қант тапшылығын сезіндік. Біздің өндірісіміз бар. Алайда халық тәтті өнімді қымбат бағамен сатып алуға мәжбүр. Оның құны қазір 900-1000 теңгеге дейін жетеді.
— Көбірек зауыттар мен кәсіпорындар, ауыл шаруашылығын белсенді дамыту керек.
Мәселені шешу үшін алдағы жылдары өңдеу өнеркәсібі, минералды шикізатты өндіру және өңдеу саласында ірі жобалар іске қосылады. Оларды іске асыру үш мыңнан астам жаңа жұмыс орындарын құруға мүмкіндік береді.
Бұрын Жетісу отандық қызылша шаруашылығының флагманы болып саналды. Аймақбүкіл республиканың қант қажеттілігінің көп бөлігін қамтыды. Алайда, соңғы жылдары тәтті тамыр дақылдарының ауданы 3 есе қысқарды. Елімізде 4 қант зауытыбар, олардың екеуі Жетісу облысында орналасқан.
Мамандардың айтуынша, елдің тәтті өнімге деген қажеттілігі 550 мың тоннанықұрайды. Жетісу облысы тек 14%-ға ғана қамтиды. 2025 жылға дейін өңір билігіқант қызылшасына арналған егіс алқаптарын 2,5 есеге кеңейтуді жоспарлап отыр.
Мал басын көбейту де жоспарлануда. Аймақта 2,5 миллион бас сиыр, қой, түйе бар. Құстардың саны да өсті. Алдағы екі жылда облыста заманауи құс фабрикаларын салу жоспарлануда. Ауылдың дамуына көп көңіл бөлу керек, дейді жергілікті тұрғындар.
Өзекті жаңалықтарды біздің сайтымыздан оқи отырып, Malbazar телеграм-арнамызда пікірлеріңізбен бөлісіңіздер