Ауыл шаруашылығы министрлігі несиелеу мақсаттары үшін кепілді қамтамасыз ету ретінде астық қолхаттарын тану мақсатында қолданыстағы заңнамаға түзетулер дайындайды. Бұлтуралы бүгін Үкімет отырысында Ауыл шаруашылығы министрі Ербол Қарашөкеев мәлімдеді, деп жазады Eldala.kz.

Бұл өзгерістер Мемлекет басшысының астық қолхаттары институтын дамыту жөніндегі тапсырмасы шеңберінде әзірленеді.

«Сондай-ақ, мемлекеттік деңгейде екінші деңгейдегі банктерде орналастырылған депозиттерге міндетті кепілдік берумен ұқсастығы бойынша арнайы кепілдік беру қорын құру мүмкіндігі қарастырылды, олар белгіленген лимит шегінде 100% кепілдендірілген», — деді Ербол Қарашөкеев.

Ауыл шаруашылығы министрлігінің мәліметінше, астық қолхаттары институтын қайта іске қосу жоспарлануда. Осы мақсатта ҚР-да несиелер бойынша кепіл ретінде астық қолхаттарын пайдалану бойынша пилоттық жоба іске қосылады.

Астық қолхаты-бұл оны ұстаушының астық қабылдау кәсіпорнынан оны шығару кезінде айқындалған көлемде және сапада астық алу құқығын куәландыратын борыштық құжатсыз эмиссиялық емес бағалы қағаз түріндегі қойма куәлігі.

Өзекті жаңалықтарды біздің сайтымыздан оқи отырып, Malbazar телеграм-арнамызда пікірлеріңізбен бөлісіңіздер