Ауыл шаруашылығы министрі Ербол Қарашөкеев заңсыз сатып алынған жер учаскелері тегіне қарамастан барлығынан алынатынын мәлімдеді, деп хабарлайды Zakon.kz.
Үкімет отырысының аясында журналистердің Қазақстанның Тұңғыш Президенті туралы заңды күшін жоғалту туралы сұрағына жауап бере отырып, ауыл шаруашылығы министрлігінің басшысы Ербол Қарашөкеев, егер олар Назарбаевтар отбасы мүшелерінің меншігінде табылса, заңсыз сатып алынған жер алқаптарымен не болатынын түсіндірді.
«Шын мәнінде, тегі қандай болса да, адам кім болса да, бұл бізге маңызды емес. Біз барлық жерлерді тексереміз. Егер жерді тиімсіз пайдалану, оны меншікке заңсыз беру фактілері болса, әрине, біз бұл учаскелерді тексеріп, елге қайтарамыз», — деді ол.
Естеріңізге сала кетейік, ҚР Парламенті палаталарының бірлескен отырысында «ҚР Тұңғыш Президенті – Елбасы туралы» Конституциялық заңның күшi жойылды деп тану туралы» Конституциялық заң қабылданды.
Өзекті жаңалықтарды біздің сайтымыздан оқи отырып, Malbazar телеграм-арнамызда пікірлеріңізбен бөлісіңіздер