Анкарадағыекі елдің ауыл шаруашылығы вице-министрлері Қазақстан мен ТүркияныңАгроөнеркәсіптік кешендегі өзара іс-қимыл мәселелерін талқылады, деп хабарлайдыworld of Nan ҚР АШМ-не сілтеме жасап.
Бұған дейін Қазақстан мен Түркия арасында тұқым шаруашылығы саласындағы ынтымақтастық туралы келісімге қол қойылған болатын. Келісімді одан әрі іске асыру үшін Түркия Республикасының астанасына ауыл шаруашылығы вице-министрі Әбілқайыр Тамабек бастаған қазақстандық делегация келді.
Тараптар бірлескен ғылыми зерттеулер жүргізу мәселелерін талқылады, ауыл шаруашылығы өсімдіктерінің тұқымдарын өндіру және сертификаттау қызметін құру процестерін жолға қою бойынша тәжірибе алмасу жөнінде уағдаластыққа қол жеткізілді.
Сонымен қатар, Әбілхайыр Тамабек Түркия Республикасының «TSUAB» тұқым өсірушілер қауымдастығының, «TMO» астық одағының және «TUAB» тұқымдық сертификаттау қызметінің кеңселерінде болып, аурулар мен зиянкестерге тұқымдықталдау жүргізу саласында үлкен тәжірибесі бар.
Сондай-ақ, қазақстандық делегация Түркия Республикасының Ұлттық генетикалық тұқым банкінде болды. Кездесу барысында Қазақстанда осындай генетикалық банкті құру бойынша консультациялық көмек көрсету туралы уағдаластыққа қол жеткізілді.
Тұқым шаруашылығы саласындағы ынтымақтастық мәселелері «болашақ үшін тұқымдар» Халықаралық бизнес-форумының алаңында екіжақты кездесулер шеңберінде талқыланатын болады.
Өзекті жаңалықтарды біздің сайтымыздан оқи отырып, Malbazar телеграм-арнамызда пікірлеріңізбен бөлісіңіздер