Демалыс күндері көліктегі полиция департаментінің қызмет көрсету аумағында үй жануарларына соқтығысқан пойыздарды шұғыл тежеудің бес фактісі тіркелді, деп хабарлайды Polisia.kz.
Павлодар облысында Май-Жұмыскер және Жұмыскер-Көктөбе аралықтарында бірден екі жағдай орын алды. Екі сиыр жүк және жолаушылар пойыздарының астына түсті. Теміржол көлігінің жалпы тоқтау кезеңі 33 минутты құрады.
Осыған ұқсас жағдай Абай облысының Суықбұлақ-РЗД-6 аралығында орын алды. Екі сиырдың дөңгелектерінің астына түсуіне байланысты жүк пойызының машинисі шұғыл тежеуді қолдануға мәжбүр болды.
Мал иелеріне қатысты ҚР ӘҚБтК 559-бабы бойынша «Темір жолға бөлінген белдеуде мал жаю қағидаларын бұзу» бойынша әкімшілік хаттамалар жасалды.
Сондай-ақ, Қарағанды облысының Қызылжар-Жеңіс аралығында жүк пойызының астына үш жылқы және Шымкент станциясында үш қой түсті. Пойыздардың тұрағы екі жағдайда да 11 минутты құрады.
Осы фактілерге сәйкес үй жануарларының иелеріне қатысты әкімшілік хаттамалар жасалды.
Өзекті жаңалықтарды біздің сайтымыздан оқи отырып, Malbazar телеграм-арнамызда пікірлеріңізбен бөлісіңіздер