Қазақстандық ұн экспорттаушылар ҚҚС қайтару проблемаларына байланысты шамамен 40 млрд теңгеалмаған. Себебі — ҚР Қаржы министрлігі 2022 жылы қабылдаған жаңа ережелер. Бұл туралы eldala.kz порталына Қазақстанның астық өңдеушілер одағының президенті Әлихан Талғатбек айтып берді.
«ҚҚС қайтарудың жаңа ережелері Салық кодексіне қайшы келеді. Кеңес тағайындалды, біз бұл мәселені талқылаймыз»,- деді ол.
Қайта өңдеушілер үшін ҚҚС қайтару сомасы бизнесті жоспарлаудың маңызды құрамдас бөлігі болып табылады. Осы түсімдерді есептеп, оларды іс жүзінде алмай, ұн тартушылар айналым қаражаттарының тапшылығына тап болады. Нәтижесінде олар жылдық 25% несие алуға мәжбүр, бұл өндіріс құнын арттырады және сыртқы нарықтардағы отандық ұнның бәсекеге қабілеттілігін төмендетеді, сонымен қатар ішкі бағаныңөсуіне әкеледі.
«Бұл, әсіресе, Ресей мен Өзбекстан тарапынан бәсекелестіктің шиеленісуі аясында өткізу нарықтарының жоғалуына әкеп соғуы мүмкін. Сатып алушылар басқа ұнға, басқа жеткізушілерге үйренеді, импорттаушы елдерде басқа дистрибуция жүйесін құрады. Осыған байланысты қалыптасқан қиын жағдайды реттеу үшін шұғыл шаралар қажет», — деді Әлихан Талғатбек.
Өзекті жаңалықтарды біздің сайтымыздан оқи отырып, Malbazar телеграм-арнамызда пікірлеріңізбен бөлісіңіздер