Қазақстандық фермерлер ғылыми қажеттіліктен тыңайтқыштардың төрттен бір бөлігін ғана енгізеді, деп мәлімдеді ҚР Ауыл шаруашылығы министрі Ербол Қарашөкеев.
«Мемлекеттік қолдаудың арқасында өткен жылдың қорытындысы бойынша соңғы 10 жылда алғаш рет тыңайтқыштарды енгізу 667 мың тонна немесе ғылыми қажеттіліктің 26% деңгейіне жетті», — деді Қарашөкеев сәрсенбіде Үкімет отырысында баяндама жасап.
Оның айтуынша, биыл 704 мың тоннаға жуық тыңайтқыш енгізу жоспарланған, оның 63%-ы отандық тыңайтқыштарға: аммиак селитрасы мен аммофосқа тиесілі.
«Бүгінгі таңда көктемгі егіс жұмыстарын жүргізу үшін аграршыларға 55 мың тонна тыңайтқыш, оның ішінде оңтүстік өңірлерге 27 мың тонна тыңайтқыш жөнелтілді. Тыңайтқыштарды субсидиялау бағдарламасына жергілікті бюджеттерде Т31, 3 млрд қарастырылған», — деп толықтырды министр.
Фермерлердің айтуынша, оңтүстік аймақтарда аммофоспен қамтамасыз етуде проблемалар болған, қазіргі уақытта мәселе шешілуде, деп қосты ол.
Өзекті жаңалықтарды біздің сайтымыздан оқи отырып, Malbazar телеграм-арнамызда пікірлеріңізбен бөлісіңіздер