ЕЛІМІЗ ІШКІ НАРЫҒЫН СҮТПЕН ТОЛЫҚ ҚАМТУҒА ҚАУҚАРСЫЗ

Сүт қана емес, әлеуметтік маңызы бар 19 түрлі азық-түліктің төртеуі бойынша Қазақстан импортқа тәуелді. Олар-құс еті, шұжық, сүт және сүт өнімдері. Премьер-министр аталмыш өнімдердің отандық үлесін 100%-ға жеткізуді тапсырды.

Осы орайда мал шаруашылығы азық-түлік қауіпсіздігінің маңызды элементі екенін де айта кеткен жөн. Әлеуметтік маңызы бар 19 өнімінің төртеуі импортқа тәуелді. Олар – құс еті, шұжық, сүт және сүт өнімдері. Сондықтан бұл салада жұмыс істеймін дегендерге үлкен мүмкіндік бар. Біздің алдымызда тұрған аса маңызды міндет – осы өнім түрлерін шығаруда отандық өндірушілердің үлесін 100%-ке дейін арттыру. Әсіресе, шикізатты терең өңдеу жобаларын іске асыруға баса назар аударып, сыртқы нарықтарға шығуды да ескеру қажет, — деді Әлихан Смайылов.