ҚАЗАҚСТАННАН ҚАНША БҰҚАШЫҚ ПЕН ҚОШҚАР ШЫҒАРУҒА БОЛАДЫ?

Енді Қазақстаннан бұқашықтар мен қошқарлардың шектеулі санын ғана шет елге шығаруға рұқсат етіледі.Бұқашықтарды әкетуге 60 мың бас немесе жалпы мал басының 9%-ы, сондай-ақ 120 мың қой басы немесе жалпы мал басының 10%-ы мөлшерінде квота белгіленген.

Мұндай шешім сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның (ВАК) отырысында қабылданды.

Статистика мәліметтері бойынша, биылғы жылдың 1 тамызына еліміздегі ірі қара мал саны 9,4 млн басты құрады, оның ішінде — 4,5 млн бас сиыр, төл 3,2 млн басты құрады.

Қазақстанда ірі және ұсақ қара малды басқа елдерге шығаруға тыйым салу 21 қаңтар мен 21 шілде аралығында қолданылды.

Естеріңізге сала кетейік, сіздер өз пікірлеріңізді MalBazar телеграм-арнасында жаза аласыздар.